Jake Kurtz, CEO dhe themelues i Brick Media, një agjenci për menaxhimin e rrjeteve sociale, ndjehej i rraskapitur në vitin 2022. Duke kuptuar se kishte fuqinë për të ndryshuar situatën, ai vendosi të testonte një javë pune 4-ditore. Edhe pse rritja e kompanisë ishte e shpejtë, Kurtz besonte se kjo mund të përmirësonte qëndrueshmërinë, efikasitetin dhe mirëqenien.
Ekipi tregoi entuziazëm, dhe Brick filloi një program pilot nga 1 janari deri më 31 mars. Ata identifikuan detyrat që mund të hiqeshin ose riplanifikoheshin, dhe bënë përjashtime për rrethana të veçanta. Klientët u njoftuan individualisht dhe takimet u rregulluan sipas kësaj ndryshimi.
Në fillim, punonjësit patën një periudhë të vështirë , por u përshtatën shpejt. Shumica e punonjësve punuan pak më shumë orë gjatë katër ditëve të punës. Kurtz u fokusua në rezultatin e punës më shumë se në orët e punuara. Përgjigjet nga ekipi ishin shumë pozitive.
U zhvilluan takime rregulltare dhe sesione rishikimi për të vlerësuar suksesin e programit. Në mes të marsit, u vlerësua si një sukses, duke rezultuar në rritje të të ardhurave dhe pa humbje të klientëve. Kompania gjithashtu përjetoi një rritje të konsiderueshme në aplikimet për punë.
Menaxherët e llogarive të Brick Media u shfaqën në një emision televiziv lokal për të diskutuar përvojën e tyre pozitive me javën 4-ditore në punë. Kurtz tani gëzon një gjendje të balancuar dhe të shëndetshme punë-jetë, prandaj ai dhe ekipi i tij nuk kanë dëshirë të kthehen në javën punë tradicionale./businessmag.al/
