19 Thënie frymëzuese nga njerëz jashtëzakonisht të suksesshëm që do t’ju mësojnë gjithçka për vetëbesimin
Të gjithë duam të jemi ai personi që hyn në një takim plot vetëbesim, që njeh njerëz të rinj pa pyetur veten “Çfarë mendojnë për mua?”, që mban një fjalim madhështor pa u ndjerë i frikësuar nga sytë që të shikojnë, apo që nuk ngatërrohet në një intervistë pune apo në një takim të parë.
Por shumë shpesh, dyshimi ndaj vetes na zë rrugën. I themi vetes: “Nuk mundem!”
E vërteta është: Po, mundesh! Ashtu siç tha dikur Theodore Roosevelt: “Besoni se mundeni dhe gjysma e rrugës është bërë.”
Më poshtë gjeni disa thënie motivuese nga personalitete të njohura që do t’ju ndihmojnë të besoni më shumë tek vetja:
-
Mindy Kaling, aktore: “Duhet të kesh vetëbesim të çmendur tek vetja, edhe kur nuk është real. Duhet të jesh tifozja jote më e madhe, sepse askush nuk po të pret me pom-pom për të të thënë ‘Bravo, ia dole!’.”
-
Ava Duvernay, regjisore: “Mos kërko leje. Çfarë po pret? Për çfarë po pyet?”
-
Shonda Rhimes, producente: “Një vit të tërë thashë ‘po’ për çdo gjë që më frikësonte. Folje në publik? Po. Aktrim? Po. Rezultati ishte befasues: vetëm duke e bërë gjënë që më frikësonte, frika u zhduk.”
-
Rosa Parks, aktiviste: “Kam mësuar ndër vite se kur mendja është e vendosur, frika zhduket; të dish çfarë duhet bërë, largon frikën.”
-
Chimamanda Ngozi Adichie, shkrimtare: “Nuk është puna jote të jesh i pëlqyeshëm. Puna jote është të jesh vetja. Dikush do të të pëlqejë sidoqoftë.”
-
David Sedaris, shkrimtar: “Në jetë vjen një moment kur dera hapet dhe ti duhet të kalosh aty. Nuk mund të thuash: ‘Do ta bëj pas dy vitesh, kur të kursej para…’.”
-
Viola Davis, aktore: “Herën tjetër kur të hezitosh para se të ndjekësh diçka që dëshiron, thuaji vetes: ‘Unë e vlej’. Dhe thuaje me bindje.”
-
Lady Gaga, këngëtare/aktore: “Dua që njerëzit të ecin të bindur për madhështinë e tyre — dhe të luftojnë aq shumë çdo ditë, saqë gënjeshtra të bëhet e vërtetë.”
-
Ricky Gervais, komedian: “Këshilla më e mirë që kam marrë ndonjëherë është: ‘Askujt nuk i ka idenë se çfarë po bën në të vërtetë.’”
-
Georgia O’Keeffe, artiste: “Kam qenë e tmerruar çdo moment të jetës sime, por asnjëherë nuk e lashë këtë frikë të më ndalonte nga ajo që doja të bëja.”
-
Lupita Nyong’o, aktore: “Vetëbesimi nuk është të jesh ekstrovert apo i zëshëm; është të jesh vetja dhe të besosh në vlerën tënde.”
-
Frank Sinatra, këngëtar: “Mësimi më i madh në jetë është të mos kesh kurrë frikë nga askush dhe asgjë.”
-
Tracee Ellis Ross, aktore: “Jini të butë dhe të kujdesshëm me veten. Vetëbesimi kërkon guxim në një botë që jo gjithmonë të mbështet.”
-
Bob Schieffer, gazetar: “Kur kupton se ka jetë edhe pas gabimeve, fiton një vetëbesim që nuk zhduket kurrë.”
-
Amy Poehler, komediane: “Njerëzit e mëdhenj i bëjnë gjërat para se të jenë gati. E bëjnë para se të dinë nëse munden. Mund të dalë mirë, mund të mos dalë — por së paku mëson diçka të re për veten.”
-
Tom DeLonge, muzikant: “Sekreti është: nëse mund ta imagjinoni veten duke bërë diçka në jetë, mund ta bëni.”
-
Fred Rogers, moderator: “Sikur të mund ta ndjeje sa i rëndësishëm je për jetën e të tjerëve, edhe atyre që s’i njeh. Nga vetja jote mbetet diçka në çdo takim me njerëzit.”
-
Steve Jobs, sipërmarrës: “Ata që janë mjaftueshëm ‘të çmendur’ për të menduar se mund ta ndryshojnë botën, zakonisht janë ata që e bëjnë.”
-
Becky Hammon, trajnere basketbolli: “Gjithmonë them: bëni kujdes me zërat që dëgjoni. Zërat më të afërt me mua gjithmonë më kanë thënë: ‘Ti mundesh’.”
👉 Përkthim & përshtatje: www.kontabilitet-ks.com
📌 Burimi: cncc.com
