Ministri i Jashtëm ukrainas Dmytro Kuleba ka bërë thirrje për izolimin e plotë të Rusisë, duke përfshirë embargo ndaj blerjeve ruse të naftës bruto.
“I kërkoj botës: izoloni plotësisht Rusinë, dëboni ambasadorët, embargoja e naftës, shkatërroni ekonominë e saj”, shkroi Kuleba në Twitter.
Më vete, presidenti i Ukrainës Volodomyr Zelenskiy ka bërë thirrje për një vendim për anëtarësimin e Ukrainës në Bashkimin Evropian.
“Është një moment vendimtar për të mbyllur një herë e përgjithmonë diskutimin e gjatë dhe për të vendosur për anëtarësimin e Ukrainës në #BE”, tha ai në Twitter pak kohë më parë.
“Diskutuam me @eucopresident për ndihmën e mëtejshme efektive dhe luftën heroike të ukrainasve për të ardhmen e tyre të lirë.“
/Gazeta Sinjali/
