Britanikët të alarmuar pas kërcënimit të presidentit rus Vladimir Putinit për përdorimin e armëve bërthamore, po kërkojnë të blejnë bunkier të cilët janë të papërshkueshëm nga këto armë.
Firma në Mbretërinë e Bashkuar Subterranean Spaces tha se kërkesat u rritën në fundjavë ‘100 për qind’ nga shkurti 2021, kur perspektiva e konfliktit në shkallë të plotë në Evropë dukej ende e largët.
Themeluesi i Subterran Space, Charles Hardman është shprehur se dy ditët e para të pushtimit të paligjshëm rus të Ukrainës – kompania mori 12 kërkesa nga familjet me tre persona, familjet me katër dhe një familje me tetë anëtarë në Londër, Uells dhe madje edhe nga Alpet Franceze.
Bunkierët me porosi të ndërtuar nga nga Hardman’s Subterranean Spaces, e themeluar në vitin 2018, kushtojnë të paktën 100,000 paund.
Ndërsa për një familje prej gjashtë anëtarësh mund të kushtojnë deri në 900.000 paund.
Hardman këshilloi se duhen rreth katër muaj për të planifikuar dhe ndërtuar, duke shtuar se këto bunkier duhet të vendosen në një kopsht dhe jo nën një shtëpi dhe vendosen 11 metra poshtë nën tokë.
“Çfarë kuptimi ka të mbijetosh një shpërthim bërthamor nëse shtëpia shembet në sipër bunkerit dhe nuk mund të dalësh? shprehet ai.
Sipas Sun, klientët variojnë nga atletët profesionistë, të famshëm, politikanë dhe kompani teknologjike.
Në një postim në faqen e internetit Subterranean Spaces, Hardman shkroi:
Bodrumi është një dhomë ideale duke pasur parasysh vendndodhjen e saj dhe ka sigurimin e linjave telefonike të sigurta, të pavarura nga rrjeti kryesor i shtëpisë, lejojnë që komunikimi i urgjencës të mbahet gjatë gjithë kohës’.
/Sot.com/
