Një video e publikuar së fundi në Twitter ka shfaqur pamje të reja të predhave ruse duke goditur aeroportin dhe depot e karburanteve në qytetin Ivano-Frankivsk afër kufirit me Rumaninë.
Nga pamjet e publikuara shihen raketat e ushtrisë ruse që godasin aeroportin dhe njerëzit duke ikur në panik.
Presidenti rus, Vladimir Putin në orët e para të mëngjesit ka urdhëruar nisjen e operacionit ushtarak në Ukrainë.
Raportimet e para të mediave nga bota kanë njoftuar për qindra persona të vrarë.
Në adresimin e tij, Putin tha se nuk ka qëllim të pushtojë Ukrainën, e se përgjegjësia nëse do të ketë gjakderdhje i takon “regjimit ukrainas”.
Fuqitë botërore kanë dënuar veprimin e Rusisë ndaj Ukrainës dhe kanë kërkuar që Putin ta ndalojë sulmin menjëherë. Krah Rusisë u rreshtua aleati i saj, Bellorusia. Nga Ukraina vijnë pamje të trishtueshme të refugjatëve të parë./Lajmi.net/
Footage of the airport bombing in Ivano-Frankivsk. #Ukraine #Russia pic.twitter.com/MLVuNyPItI
— Ω (@W4RW4ATCHER) February 24, 2022
