Kryeministri i vendit, Albin Kurti bëri sot të ditur në mbledhje e Qeverisë së Kosovës tha se së shpejti do të propozojnë nivelin e pagës minimale në vend.
Kurti kështu deklaroi në fjalimin hyrës në mbledhjen e Qeverisë së Kosovës.
“Në koordinim me Këshillimin ekonomik social së shpejti do të propozojmë nivelin e pagës minimale”, tha Kurti.
Ndryshe, paga minimale në Kosovë është 130 euro për të punësuarit e moshës nën 35 vjeç dhe 170 euro për të punësuarit e moshës mbi 35 vjeç, pagë kjo e cila nuk ka pësuar ndryshime që nga viti 2011.
Në Programin e Qeverisë së Kosovës për periudhën 2021-2025, shkruan se paga minimale do të rritet në 250 euro. Nga Sindikata e Pavarur e Sektorit Privat janë shprehur se kjo nuk është e mjaftueshme, duke kërkuar të jetë 350 euro.
Ai po ashtu tha se reformimi i prokurimit mbetet ndër pikat më të rëndësishme për parandalimin e keqpërdorimit të parasë publike dhe parandalimin e korrupsionit.
Kryeministri bëri të ditur se sot do t’i parashtrojnë Kuvendit propozim vendimin për kandidatët për anëtarë të Komisionit rregullativ të prokurimit publik. /Telegrafi/
