Presidenti i Shteteve të Bashkuara, Joe Biden, ka udhëzuar Sekretarin e Shtetit, Antony Blinken, që të japë deri në 350 milionë dollarë mbështetje të menjëhershme për sigurinë dhe mbrojtjen e Ukrainës, sipas një memorandumi të ri të publikuar nga Shtëpia e Bardhë të premten vonë.
Kjo është tërheqja e tretë e parave; Porositë e mëparshme kanë qenë për 60 milionë dhe 250 milionë dollarë, duke e vendosur totalin edhe me ato gjatë vitit të kaluar në mbi një miliardë dollarë, sipas një zyrtari të administratës, shkruan CNN, transmeton lajmi.net.
Departamenti i Shtetit pritet të lëshojë deklaratën e tij me më shumë detaje së shpejti.
Ky njoftim vjen pas një telefonate 40-minutëshe midis Biden dhe presidentit ukrainas Volodymyr Zelensky më herët të premten, gjatë së cilës ata diskutuan për “ndihmë konkrete për mbrojtjen”. /Lajmi.net/
